2017 Urrezko Guk

Argazkiak

Martxan da “+55 ZAHARTZE KONSTRUKTIBOA”, Amurrio Bideanen proiektu berria

Inkestak egingo zaizkie 55 urtetik gorako pertsonei, etengabe ikasteko prozesuan zein oztopo dituzten jakiteko.

Amurrio Bidean 55 urtetik gorakoei inkestak egiten ari da martxoan, bizitza osoan etengabe ikasteko prozesuan zein oztopo dituzten jakiteko. Helburua da egindako ekarpenak kontuan hartuta oztopo horiek gainditzeko ekintzak diseinatzea eta dinamizatzea, pertsona horiek “zahartze konstruktiboa” izan dezaten.

Asmoa da kolektibo horrek egin ohi dituen jarduerez gain (fisikoak, kulturalak…) irakaskuntza- eta ikaskuntza-prozesuak ere justifikatzea. Zahartze konstruktiboren bitartez, egiten diren gauzak sentitu, pentsatu egiten dira eta gauza horiei zentzua ematen zaie; izan ere, ikaskuntzari esker, beste edonola ezarri ezin daitezkeen lotura kognitiboak ezartzen dira.

Maiatzean, inkesten emaitzak aztertu ondoren, zahartze konstruktiboa lantzeko gune pilotu bat ezarriko da, pertsona horien ezagutza, hezkuntza eta prestakuntza sustatzeko.

Gainera, proiektu honetan esku hartuko du Unai Arrieta psikologoak eta bizitza osasungarrian eta zahartze aktiboan adituak.

Parte hartzera animatuko zara?

Martxoaren 31ra bitarte, inkesta hartu eta honako leku hauetan dauden postontzietan utzi ahal izango da: Amurrio Bideanen bulegoa, Kultur Etxea, Liburutegia, Bañueta Kiroldegia eta Nagusien Etxea.

Inkesta betetzen duten pertsonen artean 80 euroko bonu bat zozkatuko da apirilaren 5ean, Myos Terapia Integral-en trukatzeko (fisioterapia, hipopresiboak…). Inkesta Amurrio Bideanen webgunean ere bete daiteke: www.amurriobidean.org.

Ikerketa hau BOZI Amurrion (Bizi Osoan Zeharreko Ikaskuntza Amurrion) proiektuaren barruan egin da, eta proiektua Eusko Jaurlaritzako Hezkuntza Sailak eman dio Amurrio Bideani, bizitza osoan ikasteko programaren bitartez.

Inkesta

 

El Refor-en eta Inauxa-tik gertuko industrialdearen artean bizikletaz ibiltzeko bidegorri-zatia egokitu da

Amurrioko Udalak hirurogeita bost metro inguruko luzera eta bi metro eta erdiko zabalera duen bidegorri-zatia egokitzeko lanak bukatuko ditu oraintsu, El Refor-etik Inauxa enpresaraino. Betelanak egin dira, bide-zorua Zadorrarekin egokitzeko.
Halaber, 800 metroko eskudela instalatu da, albo batetik inor jauz ez dadin eta, udaberri aldean, ingurumena lehengoratuko da eta zuhaixkak landatuko dira.
Diseinuaren irizpideak irisgarritasunari buruzko indarreko arautegia kontuan  hartu du eta, hortaz, gehienezko malda % 6koa izango da.
Bide-zati hori Nerbioiko Parke Linealaren proiektuan kokatzen da, eta Laudiotik Amurriorainoko ibilbidea badago burututa.
Zamora zelaitik –zatiaren abiapuntua– Olako auzoraino –udaleko bidegorri-sarearekin lotuko den tokia– doan obra aurten hastea aurreikusi du Arabako Foru Aldundiak.
Nerbioiko Parke Linealaren bide berdea, Trenbide Zaharrarekin batera (“Ferrocarril Vasco-Navarro” deritzona) batera, Arabako Lurralde Historikoan gehien erabiltzen den ibilbidea da. 169.000tik gora erabiltzailek, oinezkoek nahiz txirrindulariek, erabiltzen dute ibilbide hori urtero.
bidegorirefor

VIDEO: AMURRIO BIDEANEN X. URTEURRENEKO JARDUNALDIA

Pasa den Abenduaren 1ean ReforAmurrio Enpresaldean ospatu genuen gure X. urteurrena.

Jardunaldi bat non, era atsegin batez, 10 urte hauetan egindako lana empresa, ekintzaile, eskualdeko agente social eta ekonomiko eta, oro har, publikoarekin partekatu genuen