AMURRIO TRAIL TALDEAK 2021EKO URREZKO GUK SARIA JASOKO DU

Saria emateko ekitaldia martxoaren 13an, larunbatean, izango da, Amurrio Antzokian; erakundeek une horretan ezarritako neurriak betez egingo da.

Amurrio Trail Taldeak 2021eko Urrezko Guk saria jasoko du martxoaren 13an, larunbatean, Amurrio Antzokian egingo den ekitaldian, betiere erakundeek hartutako neurriek horretarako aukera ematen badute. Adostasunez aukeratu den trail taldeak, kirol munduan egiten duen lanaz, bere elkartasun-lanarengatik ere jasoko du aintzatespen hori. Bereziki nabarmentzekoa da etxeko konfinamenduan bultzatu zuten laguntza-sare solidarioaren bitartez egin zuten ezinbesteko lana.

Kirol arloan, Amurrio Trail Taldeak 8 urte baino gehiago daramatza batez beste 400 izen-emate jasotzen dituen Amurrio Trail Lasterketa antolatzen. Euskadiko lehiaketen barruan lekua egitea lortu du. Batzuetan Euskal Herriko trail txapelketetarako baliozkoa izan da.

Iaz, Euskal Herri mailan nabarmentzen diren kirolariak saritzen dituen euskal mendizaletasunaren gala antolatzeko arduradunak izan ziren. Ekitaldi hori, beste asko bezala, ezin izan zen egin, Covid-19ak eragindako konfinamenduaren ondorioz.

Espiritu solidarioa

2020. urte zail horretan, konfinamenduan zehar, oso talde aktiboa izan ziren, Amurrioko herritar askorentzat oso lagungarria izan zen sare solidarioa bultzatuz. Ekimen horren bitartez, elikagaiak eta beharrezko guztia eraman zizkieten egoera okerrenean zeudenei. Horrekin batera, arratsaldeetan, 20:00etan, kalejira batekin gazteak eta adinekoak animatzen zituzten.

Ezohiko Gabon jai hauetan ere Olentzeroren laguntzaile leialak izan dira, eta mendira igotzea bultzatu dute, ikazkinaren kartoizko irudiarekin argazkia ateratzeko eta Amurrioko umeek nahi zutena jasotzen zuen karta bertan uzteko.

Amurrio Trail Taldearen espiritu solidarioak ibilbide luzeagoa izan du denboran zehar. Lau urte daramatzate Babioko igoera, eta bi urte Babio Non Stop izenekoa antolatzen, Gabonetan herritarrek gorriz markatuta dituzten bi hitzordu solidario. Babio Non Stop ekimenarekin bildutakoa elkarte batera bideratzen da, eta, gainera, sarritan eurekin elkarlanean aritzen den Mendi solidarioak elkartearekin batera, abenduaren 24an umeak eta adinekoak Babio mendira igotzen dituzte. Olentzero han egoten da, euren zain

Reforamurrio Enpresaldean dagoen Ikasketa Gelaren ordutegi berria

Abenduaren 21etik aurrera, astelehenetik ostilera, Gelaren ordutegi berria 08: 15etik 15: 00etara izango da goizez eta 15: 30etik 19: 30era arratsaldez.

COVID-19 pandemia dela eta, instalazioetan jarduteko protokolo bat dago, erabiltzaileen segurtasuna bermatzeko. Hori dela eta, Gelaren edukiera zortzi pertsonatara murriztu da, osasun agintariek gomendatutako segurtasun tartea mantentzeko. Gainera, erabiltzaileek maskara eraman beharko dute beti instalazioen barruan.
Era berean, beharrezkoa da aurreko egunean lanpostua gordetzea, bai goizeko ordutegian, bai arratsaldekoan. Horretarako, Amurrio Bidean-ekin harremanetan jarri behar da 945891721 telefonoan.
Gabonetako ordutegiari dagokionez, zentroa itxita egongo da abenduaren 24an eta 25ean eta abenduaren 30etik urtarrilaren 6ra.

 

ReforAmurrio Enpresaldea hazitegian eta enpresa-zentroan sartzeko deialdi berria

Abenduaren 1etik 29ra bitartean zabalik egongo da eskabideak aurkezteko epea

Lokalak zerbitzu-sektorean (“bulegoak”) lan egiten duten edo egingo duten enpresa edo pertsona sustatzaileentzat dira.

Hazitegiaren eta enpresa-zentroaren kasuan, modulu edo bulego bakoitzaren alokairu-prezioan sartuta daude alokatutako lokal bakoitzaren kontsumoak eragindako gastuak, hala nola elektrizitatea, Interneterako konexioa, berogailua, garbiketa, etab., baita zerbitzu komun batzuk ere; harrera, officea, postontzi pribatua, lokalen mantentze-lanak, segurtasun-sistema, bilera-gelak, etab.

Eskabidea aurkezteko unean jarduerari alta eman zitzaionetik hiru urte baino gutxiago daramatzaten enpresa edo pertsona sustatzaileek hobaria dute dagoeneko finkatuta dauden enpresen aldean.

Gainera, hobari gehigarriak aplikatzen dira enplegua sortzeagatik (% 20tik% 37ra) eta garatu beharreko jarduera berritzailetzat jotzen bada (% 10-% 25), betiere moduluak 25m2 gainditzen baditu. Bi hobari-ehunekoak bateragarriak dira, betiere % 50 gainditzen ez bada.

Une honetan, 10,36m2 eta 34,66 m2 bitarteko lau modulu libre daude.

COVID-19k eragindako egungo egoera kontuan hartuta, jarduketa-protokolo bat jarri da abian instalazioen erabiltzaile diren pertsonen eta enpresen segurtasuna bermatzeko, osasun-agintarien eta Eusko Jaurlaritzaren gomendioei jarraikiz.

Interesa duten pertsona eta enpresa guztiek informazioa kontsultatu edo zabaldu dezakete Amurrio Bideanen (El Refor Kalea sn) Tel.: 945 891721. E-mail administracion@amurriobidean.org

www.amurriobidean.org

EL AYUNTAMIENTO DE AMURRIO APRUEBA 55.000 EUROS EN AYUDAS DIRECTAS EXTRAORDINARIAS PARA LA HOSTELERÍA

Los restaurantes del municipio percibirán una ayuda directa de 2.000 euros y la de los bares y cafeterías ascenderá a 1.000 euros.

“Somos conscientes de la difícil situación que atraviesa la hostelería, por ello, con la concesión de estas ayudas se quiere contribuir al mantenimiento de la actividad y del empleo y, en la medida de los posible, paliar la situación de pérdida económica”, apunta Txerra Molinuevo, alcalde de Amurrio

 

El Ayuntamiento de Amurrio ha aprobado esta mañana por unanimidad en sesión plenaria ayudas directas extraordinarias a la hostelería. La cuantía de las ayudas asciende 55.000 euros. Con esta medida, el consistorio busca paliar la difícil circunstancia que atraviesa el sector debido a las medidas restrictivas generadas a consecuencia de la Covid-19.

Desde el Ayuntamiento de Amurrio “queremos trasladar nuestra solidaridad con este sector que forma parte de nuestra idiosincrasia y que contribuye a mantener vivo nuestro pueblo. Somos conscientes de la difícil situación que atraviesa la hostelería, por ello, con la concesión de estas ayudas se quiere contribuir al mantenimiento de la actividad y del empleo y, en la medida de los posible, paliar la situación de pérdida económica”, apunta Txerra Molinuevo, alcalde de Amurrio.

La cuantía a distribuir entre los establecimientos hosteleros dependerá de la actividad empresarial desarrollada. Los restaurantes del municipio percibirán una ayuda directa de 2.000 euros y la de los bares y cafeterías ascenderá a 1.000 euros. La cuantía económica total de las ayudas suma 55.000 euros, que se repartirán entre los 44 establecimientos del sector de la hostelería de la localidad.

AMURRIOKO UDALAK OSTALARITZA SEKTOREAREN ZERBITZURA JARRIKO DU KOMUNITATE-BITARTEKARITZA ZERBITZUA

Helburua, behar duten ostalaritzako establezimenduek merkataritzako lokalen alokairuaren ordainketari buruzko akordioak lortzea da.

Aurretiazko hitzordua eskatu beharko da astelehenetan eta asteazkenetan, 8:30etik 14:00etara.

Amurrioko Udalak ostalaritza sektorearen esku jarri du beste arlo batzuetan martxan dagoen komunitate-bitartekaritza zerbitzua. Zerbitzu hori martxan jartzearen helburua, behar duten ostalaritzako establezimenduek merkataritzako lokalen alokairuaren ordainketari buruzko akordioak lortzea da. Horrela, beharrezkoa izanez gero, bi aldeek (errentatzaileak eta errentariak) adiskidetasunezko akordioak lortzea erraztu nahi da.

Zerbitzua banaka emango da, eta interesa dutenek 654176548 telefono zenbakira deitu ahal izango dute astelehenetan eta asteazkenetan, 8:30etik 14:00etara, Aitziber Hormaza bitartekariarekin hitzordua hartzeko.

Laguntzat ETEentzat eta autonomoentzat

Bestalde, irailean eskatu ziren enpresa txiki eta ertainentzako eta autonomoentzako laguntzak datozen egunetan ordainduko dira. Guztira, 220 laguntza eman dira, eta ‘Amurrion bizi’ programaren barruan 86.600 euroko partida ekonomikoa bideratu da osasun-krisiak eragindako ondorio negatiboak arintzeko eta tokiko ekonomia suspertzeko.

Terrazen tasaren kobrantza etetea

Amurrioko Udalak aurreikusitako beste neurri bat, osoko bilkuran onartu beharrekoa, terrazei dagokien tasaren kobrantza etetea da, harik eta mahaitxoen eta terrazen ordenantza berria prest egon arte. Une honetan ordenantza hori prestatzeko lanak egiten ari dira, covid-19ak sortutako egoera berrira egokitzeko. Neurri hori osoko bilkuran berretsi beharko da.

Amurrioko 26 dendak bat egin dute Euskadi Bono Denda kanpainarekin

Amurrioko saltokiek dagoeneko eskaintzen dituzte Bono Denda deskontuak bezeroentzat; guztira, udalerriko 26 saltokik egin dute bat kanpainarekin. Deskontua 10 eurokoa da, baina 30 euro erosketako egin beharko da gutxienez. 4 bonu kontsumitu ahal izango ditu pertsona bakoitzak gehinez; beraz, deskontu handiena 40 eurokoa izango da.

Kanpaina honetan, merkataria da bonua zuzenean aplikatzen duena; hau da, atxikitako establezimenduetan erosten duzunean, Bono Dendaren deskontua eskatu beharko duzu, eta saltokiak zuzenean izapidetuko du. Deskontua berehalakoa izango da, eta kontsumitzailea bere datuekin soilik identifikatu beharko da.

Kontsultatu Amurrion atxikitako saltokien zerrenda esteka honetan:

https://euskadibonodenda.eus/es/establecimientos

 

AZAROAREN 17tik 26ra LAU ONLINE IKASTARO EMANGO DIRA, ESKUALDEKO EKINTZAILEEI ETA ENPRESA TXIKIEI ZUZENDUTAKOAK

VITAL Fundazioak, Aiarako Kuadrillaren bidez, diruz laguntzen ditu ikastaro horiek, enpresa-proiektu berriak abian jartzea eta duela gutxi sortutako enpresak finkatzea errazteko helburuarekin.

 Ikusirik ekintzaileen artean harrera ona izan dutela prestakuntza “bizkor” horren aurreko edizioek, eta gero eta eskari handiagoa dagoela, eskualdeko udalek beste lau ikastaro antolatu dituzte elkarrekin, “ekintzailetza-pilulak” direlako formulan oinarrituta.

COVID-19ak sortutako egoera aintzat hartuta, erabaki da ikastaroak online emango direla.

Ikastaroek lau orduko iraupena izango dute eta helburu nagusia da oinarrizko ezagutzak eskaintzea enpresa-ekimen berri bat abiaraztean edo negozio edo enpresa txiki bat kudeatzean zailtasun gehien ekartzen dituzten enpresa-kudeaketako arloetan (komertzialak, finantzarioak, fiskalak, etab.).

Saioetako bakoitzean, tartetxo bat egongo da bertaratutakoek zalantzak argitzeko edo giro lasaian bere esperientziei buruz hitz egiteko. Aurretiaz egindako ikastaroetan ikusi dugunaren arabera, ekarpen horiek prestakuntzaren emaitza asko hobetzen dute.

Informazio gehiagorako eta ikastaro guztietan edo horietako batean izena emateko, jarri harremanetan Amurrio Bidean elkartearekin 945891721 telefonoaren bidez edo autoempleo@amurriobidean.org helbide elektronikoaren bidez.

TALLERES EMPRENDIZAJE.EUS

 

AIARAKO KUADRILLAKO ENPRESA ETA NEGOZIO TXIKIEI ZUZENDUTAKO ARGAZKILARITZA-IKASTAROA: SARE SOZIALETARAKO ETA E-COMMERCERAKO PRODUKTUAREN ARGAZKIAK EGITEA SMARTPHONEAREKIN

Azaroaren 10 eta 12an egingo da, 14:30etik 16:30era, ReforAmurrio Enpresaldean.

Gaur egun, marketin digitala tresna gakoa da enpresa eta negozio txikiak zuzenean beren bezeroekin harremanetan jartzeko. Marketin digitala, sare sozialak zein e-commerce delakoa gakoak dira gaur egun bezeroa izan daitekeen edozeinen atentzioa erakartzeko eta salmentak egi bihurtzeko. Egoera honetan, ezinbestekoa da eduki dinamikoak, erakargarriak, eta, batez ere, bisualak, sortzea.

“Irudi batek mila hitz baino gehiago balio du” esaldia dogma bat da arloko profesionalentzat. Hori dela eta, ikastaro honen helburua da bertaratutakoei oinarrizko jakintza eta tresnak ematea, kalitatezko eduki bisualak sortzen ikasteko edo horien sorkuntzan hobetzeko, xede duten publikoarekin konektatzeko, horri emozioak eragiteko eta, azken finean, erostera bultzatzeko. Negozio bakoitzarentzako eduki-estrategia bat landuko da, zer, nola eta zergatik argitaratuko den aintzat hartuta. Halaber, argazkiak egin eta irudiak editatu, esportatu eta abar egiteko doako aplikazio sinple bat erabiltzen irakatsiko dugu, eta kolorearen, argiaren doikuntzen eta beste elementu askoren garrantzia azpimarratuko dugu. Horrenbestez, bertaratutako pertsonek smartphonea eraman beharko dute ikasitakoa ariketa zehatzen bidez praktikara eramateko.

Aintzat hartuta COVID-19a dela-eta ezarritako protokoloa, 8 leku egongo dira bakarrik.

Ikastaroa Vital Fundazioak lagundu du diruz, Aiarako Kuadrillaren bidez.

Informazio gehiagorako edo izena emateko, jarri harremanetan Amurrio Bidean elkartearekin 945891721 telefonoaren bidez edo autoempleo@amurriobidean.org helbide elektronikoaren bidez.

Argazkilaritza_Tailerra_Smarphonearekin

 

 

AMURRIOK MIKOTURISMO EGUNEN XVII. EDIZIOA OSPATUKO DU URRIAREN 17TIK AZAROAREN 1ERA

Ostalaritzako 9 establezimenduk hartuko dute parte larunbat honetan, urriaren 17an, hasiko den eta hiru asteburu luzatuko den perretxikoekin egindako pintxoen XV. Lehiaketan; Abiaga eta Bideko jatetxeek garaiko perretxikoekin egindako menu gastronomikoak eskainiko dituzte.

Urriaren 31n perretxikoak sailkatzeko ohiko jardunaldia egingo da Arriola Elkarte Mikologikoaren eskutik. Hurrengo egunean erakusketa bisitatu ahal izango da udal pilotalekuan.

 

Perretxikoak biltzeko garai egokiena heldu den honetan, Amurrioko udalak, Mikoturismo Egunak jarduera antolatu du beste urte batez. Hiru asteburutan perretxikoak izango dira protagonista nagusiak XV. Pintxo Lehiaketan parte hartuko duten ostalaritzako 9 establezimenduetan. Horrez gain, perretxikoen sailkapenerako eta erakusketarako jardunaldiak egingo dira udal pilotalekuan. Jarduera biak, Covid-19aren hedapenari eusteko hartu diren higiene eta osasun neurriak betez egingo dira.

Pintxo lehiaketa

Perretxikoekin egindako pintxoen XV. Lehiaketan ostalaritzako 9 establezimendu hauek hartuko dute parte: Alanbike, Albizabal, Atxubi, Batzokia, El Crucero, El Rinconcito, Guk, Frontón Taberna eta Txoko Gorri. Lehiaketak bi sari banatuko ditu, epaimahaiak aukeratutako pintxorik onena, 200 euro eta plaka bat jasoko dituena eta, herritarren bozketaren bitartez aukeratutako pintxorik onena, 150 euro eta plaka bat jasoko dituena.

Herritarren aukeraketan parte hartu ahal izateko gutxienez 8 pintxo dastatu beharko dira. Boto-paperak azaroaren 2ra arte sartu ahal izango dira Kultur Etxean eta Udaletxean egongo diren hautestontzietan, eta azaroaren 1ean udal pilotalekuan. Horrez gain, bozketan parte hartzen dutenen artean 275 euroko bi sari zozketatuko dira.

Gastronomia esparruan, pintxo dastaketez gain, Abiaga eta Bideko jatetxeek denboraldiko perretxikoekin egindako bi menu eskainiko dituzte.

Perretxikoen sailkapena eta erakusketa

XVII. Mikoturismo Egunak ekimenaren barruan egongo den perretxikoak sailkatzeko ohiko jardunaldia urriaren 31n izango da udal pilotalekuan, 18:00etatik aurrera. Alberto Villanueva mikologoa, Arriola Elkarte Mikologikoaren kolaboratzailea, perretxikoen sailkapena egiten arituko da bi orduz. Jarduera horretan interesatuta dagoen edozein pertsonak hartu ahal izango du parte, ikusle gisa, zalantzak kontsultatuz, edo bildutako espezieak sailkatzeko eramanez.

Perretxiko erakusketa azaroaren 1ean izango da, udal pilotalekuan, 11:00etatik 14:00etara.

Jarduera seguruak

Jarduera horiek gauzatu ahal izateko, Amurrioko Udalak jarduerak modu seguruan gauzatzeko beharrezkoak diren higiene eta osasun neurri guztiak beteko ditu. Udal pilotalekuko edukiera mugatuta egongo da, eta barruko ibilbidea seinaleztatuta egongo da, pertsonak gurutzatu ez daitezen. Gainera, 6 urtetik gorakoek muturrekoa eraman beharko dute, eta segurtasun distantzia gorde beharko da.

EUSKADIK MERKATARITZA-ETA TURIMO-SEKTOREAN KONTSUMOA SUSTATZEKO KANPAINA JARRI DU ABIAN, “EUSKADI TURISMO BONUA” ETA “EUSKADI BONO DENDA” DESKONTU-BONUEN BIDEZ

Programari atxikitzeko interesa duten merkataritza, ostalaritza, ostatu eta interes turistikoko jardueretako establezimendu edo negozioek (gida turistikoak, turismo aktiboko enpresak, etab.) urriaren 27ra arte bete ahal izango dute eskaera, dagozkien webguneetan: www.euskadibonodenda.eus  (merkataritza) eta www.euskaditurismobono.eus  (turismoa).

Bonu horien onuradunak Euskadin bizi diren edo turismo-bonuen kasuan beste leku batzuetatik bisitatzen gaituzten 18 urtetik gorako pertsona fisikoak dira. Bonuak urriaren 28tik abenduaren 31ra arte egongo dira eskuragarri kontsumitzaileentzat. Programari atxikitako establezimenduek edo negozioek kudeatuko dituzte deskontu-bonuak webgunearen bidez, bai produktuan bai zerbitzuan gastua egiten den unean.

BONO DENDA

Merkataritzako bonuen kasuan, 10 €-ko deskontua aplikatuko da gutxieneko erosketetarako: 30 €. Kontsumitzaileek gehienez 4 bonu jaso ahal izango dituzte, gehienez 40 euroko deskontuarekin guztira.

TURISMO BONUA

Turismo-bonoetan hiru modalitate daude. Lehenengo biak tabernetara, jatetxeetara eta interes turistikoko jardueretara zuzentzen dira, eta 5 edo 10 euroko deskontuak dira, 20 edo 40 euroko gutxieneko erosketetarako, hurrenez hurren.
Hirugarren modalitatean, 20 €-ko deskontua egingo da programari atxikitako turismo-ostatuetan egindako 60 €-ko gutxieneko erosketetarako.
Establezimendu bakoitzeko bi bonu erosi ahal izango dira, gehienez ere 40 euroko deskontua pertsona bakoitzeko.